DILI man tuod yano, apan masaligon ang Association of Boxing Alliances in the Philippines (ABAP) sa ilang dakong kahigayonan nga modominar sa umaabot nga 30th Southeast Asian Games.
Kini taliwawla sa pagangkon ni ABAP Secretary-General Ed Picson nga nagpalig-on na usab ang ubang nasod aron sila mabuntog sa matag duha ka tuig nga kompetisyon.
Ang boxing event ipahigayon sa Philippine International Convention Center (PICC) sa Pasay City sugod sa Disyembre 3.
Hinuon si Picson wala mosaad kon pila ka medalya ang ilang malabni, apan misaad nga ilang buhaton ang tanan aron makahatag og dungog sa nasod. Sa kasaysayan, ang boxing maoy perming makahatag og medal sa Team Philippines. (JBM)