SUPERBALITA DAVAO

911, LTO kumbati sa finals

DAVAO. Milayat si Kenneth Jay Hangad sa 911 aron ihungit ang bola sa ring sa ilang dula kontra PSSCC sa nakalabay mha adlaw, diin sila midaug sa iskor nga 93-78 ug gisakmit ang katungod nga modula sa kampeyonato kontra LTO sa Public Safety and Security Invitational Basketball Tournament sa Almendras Gym, dakbayan sa Davao. Ang dula gipasiugdahan sa Sports Development Division sa City Mayor’s Office. (Seth delos Reyes)



ANG Land Transportation Office LTO ug 911 ang nagpabiling lig-on ug maoy mag-ilog sa titulo sa Public Safety and Security Invitational Basketbal tournament sa Almendras Gym, dakbayan sa Davao. Game 1 gihimo, Huwebes sa buntag.

Gikuha sa LTO ang unang dapit aron mo abante sa final bout dihang ilang gilampurnas sa nakalabay nga adlaw ang Davao City Police Office sa iskor nga 97-72, sa duwa sa Aldumendras Gym.

Gipangunahan ni Clemente Ruiz ang LTO diin siya mikamada og 28 puntos ug giabagan ni Jerico Amatosa nga mitampo og 23 puntos. Mga kaubanan sa LTO nga namuntos mao sila Alfredo Gonzaga, 17, Charlie Braga, 11, Allan Ardinio, 10, Alvin Calatayud, 6MArk Anthony Francisco 5 ug Kim Cyril Utbo may upat ka puntos.

Sa ikaduhang dula, gipildi sa 911 ang Public Safety and Security Command Center PSSCC sa iskor nga 93-78 ug gisungkit ang ikaduhang luna alang sa final bout.

Dikit ang iskor dihang nahuman ang first half PSSCC 46-42 apan mihinayhinay pag-arangkada ang 911 ug giilog ang lamang sa third quarter 69-67.

Wa na lingia sa 911 ug mipakita nga duna pa silay pundo nga hangin sa kontra nga gitagana aron tapuson ang dula sa fourth quarter pabor kanila.

Si Joel Pasaol mitala og 27 puntos ug gisundan ni Kenneth Jay Hangad nga mitampo og 20 ka puntos.

Si John Lowie Bugas midugang og 17 puntos, Rosibal Apordo, 13, Ronnie James Solomon 6, Francis John Simborio 4 ug James Eric Magaso 2 ka puntos.

Gipildi na sa LTO ang 911 sa milabay nga panagharong apan maningkamot sila matud ni Coach Salvador Sendrijas nga hatagan og maayong dula ang LTO aron panalipdan ang titulo nga ilang nasakmit niadtong 2018.

Best of three ang kampeyonato diin nagpaabot ang P300,000 mga premyo sa modaug.

Ang DCPO ug PSSCC mag-ilog sa ikatulo nga pwesto sa torneyo. (SDR, SDD-CMO)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph