DI NA gyud kapugngan pa ang pag-abot sa Pasko.
Diin asa ka molingi, makita nimo ang mabulukong dekorasyon, mga lights ug uban pang makahingangha sa mata.
Mga establistamento naglumba-anay sab sa pagpanindot sa ilang lugar, diin mao kini sagad atraksiyon ug dugukon sa publiko.
Isip dugang Christmas attraction sa Davao City, magbukas na karong adlawa, Nobyembre 15 ang Phoebus Amusement Park.
Kini makita sa Camp William tupad sa The Prayer Mountain sa Tamayong, Calinan, Davao City.
Sa nakalabay nga Miyerkules, Nobyembre 13, pipila ka sakop sa media ang gipasilip sa maanindot nga dapit.
Bukas ang theme park matag adlaw, gikan 4:00PM ngadto 10:00PM.
Sa mga moadto sa lugar, be ready sa pagsaksi sa minilyong suga nga modayan-dayan sa kagabhion, Bailes Brillantes, Glow Mansions, Playtopia, Art Ville, Christmas Grand Parade, 3D Mapping Shows, Glow Gardens, Illuminated Zoo, Food Village, mga cute mascots ug daghan pa.
Ang presyo sa tiket: P280 (Age 6-17 (20% discounted price); P350 (18-59, Regular rate); P280 - edad 60 pataas, 20% discounted price ug P280- PWD, 20% discounted price samtang libre ang 5-anyos paubos.
Subay sa ilang opening, duna sab silay gitanyag nga promo sa pagpamalit og tiket.
Sa dugang detalye paunsa makaduaw sa dapit, ikontak lamang sila sa +639354536901 ug 09164369639.