Giihaw sa hubog

DIGOS CITY -- Patay ang usa ka 37 anyos human gihimo daw ug usa ka baboy dihang giduslak og kutsilyo samtang natulog mga alas 3:00 sa hapon, Huwebes, Nobiyembre 14, sa Purok 7, Latasa Village, Barangay Matti.

Ang biktima nailhan nga si Dante Cabanda, aduna’y kapuyo ug molupyo sa Purok Duranta, Barangay Goma, ning siyudad.

Nasikop sab dayon ang suspek nga si Armando Baredo, 38 anyos, ulitawo, laborer ug residente sa lugar.

Sa inisyal nga imbestigasyon sa Digos City Police Office (DCPO), nasayran nga ang suspek ug biktima nagkauban og tagay sa ilimnong makahubog.

Apan, dihang nalango sa ilimnong makahubog kalit nga nagkalalis ang biktima ug suspek.

Human sa pipila ka minute, nakatulog ang biktima ug didto nakahigayon pagpanimawos si Baredo pinaagi sa pagkuha og kutsilyo ug giduslak niini ang liog ni Cabanda nga miresulta sa hinanali niining kamatayon.

Gilayong nasikop ang suspek human naglusad ang kapulisan og hot pursuit operation.

Sa kasamtangan, gihikay na sa kapolisan ang tukmang kasong atubangon sa suspek. (Orlando B. Dinoy)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph