Barmm wage order, gi-aprobahan na

COTABATO CITY -- Aprubado na ang wage order sa Barmm-1 sa Bangsamoro Tripartite Wages and Productivity Board (BTWPB) nga umento sa suhulan nga maoy bag-ong minimum wage increase alang sa mga mamumuo sa non-agriculture ug agriculture sector sa rehiyon.

Gibutyag ni Ministry of Labor and Employment minister Romeo Sema nga ang wage order number Barmm-1 ang na-aprubahan sa sunod-sunod nga konsultasyon.

Mahimong P300 na matag adlaw ang minimum take home pay sa usa ka trabahante sa pribadong sektor samtang P290 sab ang minimum take home pay sa agricultural sector sa mga probinsiya sa Maguindanao, Lanao del Sur, Basilan, Sulu, Tawi-Tawi ug mga siyudad sa Marawi ug Lamitan.

Sa Cotabato City ug sa 63 ka barangay sa North Cotabato, ang mga sektor sa non-agriculture gikan sa P311 matag adlaw modawat sab sila sa P325 minimum take home pay samtang sa agricultural sector gikan sa P290 matag adlaw musaka na sa P300.

Pabor sab ang grupo sa mga negusyante sa Barmm sa gi-aprubahan nga umento sa suweldo alang sa Minimum Wage Earners sa rehiyon nga kini “Win-win solution" sa mga agalon ug mga trabahante.

Apan, dunay mga grupo sab sa mga mamumuo ang dili pabor gumikan gamay lang kaayo ang umento sa suweldo apan ang mga palaliton sobra kamahal.

Ang wage hike bag-o ipatuman hulaton una ang Implementing Rules and Regulations (IRR) ug i-mantala sulod sa 15 ka adlaw. (Edgar Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph