USA ka City Advisory Council for Police Transformation and Development of Talisay City Police Station, ang giumol nga gilangkuban sa nagkaiyang representante sa nagkadaiyang sektor.
Ang mga sakop ang nanumpa sa ilang katungdanan, Biyernes, Nobiyembre 15, atubangan ni Talisay City mayor Gerald Anthony Gullas.
Gitinguha nga pakigtambayayong aron mapatunhay ang kahusay ug kalinaw sa dakbayan. Gitug-an sa hepe sa Talisay City Police Office, Major Gerald Ace Pelare nga gituyo nila nga sa mga sakop sa advisory council gikan sa nagkadaiyang sektor, gawas sa mga anaa sa konseho, ug sa kagamhanan.
Adunay representante gikan sa business, simbahan, kabatan-unan, labor group, ug sa lesbian gay bisexual and transgender (LGBT) community, senior citizen.
“As you know ang Talisay kanunay man nagsuporta sa PNP, and forming this council will give the City more avenues, and more heads to think on what we can recommend and advice the PNP moving forward for the peace and order of the situation of the City,” dason sa mayor. (FMD)