ANG Association of Barangay Council (ABC) mi apod-apod og collapsible tents ug motorsiklo ngadto sa 80 ka mga barangay sa dakbayan sa Sugbo, niadtong Biyernes, Nobiyembre 15.
Ang distribution gipahigayon sa Plaza Independencia.
Ang matag barangay makadawat og tagsa ka set o unit nga mokantidad ang tanan sa P12 milyones. Gipahibawo ni ABC Presidente Franklyn Ong nga ang pundo nga maoy gikuhaan sa pagpamalit sa maong mga butang gikan sa trust fund sa ABC nga taod-taod nang wa magamit.
Dugang pa sa opisyal aduna pay ipa-apas nga mga computer sets ug sound system nga ilang gipang apod - apod sa matag barangays nga gikatakdang ihatag sa sunod buwan. (JJL, FVQ)