GITAHASAN sa Cebu Provincial government ang municipal assessors sa lungsod sa Liloan ug Concolacion nga maoy mo—isyu og tax declaration ngadto sa mga nanag-iya sa luna nga apektado sa road opening project.
Sa tinguha nga mapadali ang maong proyekto nga maoy hinungdan nga wa mapadayon sa Department of Public Works and Highways (DPHW).
Ang lima ka kilometrong proyekto gisugdan na pagtrabaho niadtong 2009 apan wa kini hingpit mahuman tungod sa problema sa road right of way.
May pundo kini nga moabot sa di mo menos P300 milyones ug adunay P50 milyones nga pasi-unang gi-release ang kagamhanan sa probinsya nga maoy unang implementor.
Apan sa dihang matapos ang ikatulong termino ni Garcia niadtong 2013, nahibalik ang maong pundo sa panudlanan.
Nasayran nga adunay 38 ka mga balay ang maligsan sa maong road opening project hinungdan nga gikinahanglan nga kompletohon na sa local nga kagamhanan ang mga gikinahanglang dokomento sama sa tax declaration aron mabayran ang mga nanag-iya sa luna.
Ang maong diversion road maoy nagsilbing alternatibong agi-anan sa mga sakyanan nga buot molikay sa huot nga trapiko paingon sa amihanang bahin sa sugbo.
Gikatakda nga makigtagbo pag-usab si Garcia sa DPWH ingon man sa mga kontraktor ug sa LGU aron mahisgutan pag usab ang maong isyu.
Lakip sa gipahibawo ni Garcia mao ang traffic board nga iyang gi-umol nga mutuki usab sa sitwasyon sa trapiko sa maong dapit. (ANV)