Laing grupo mireklamo batok sa Organico

LAING grupo na usab sa mga naka-invest sa Organico Agri Business Ventures Corp. ang nakahukom na nga mopasaka og kaso sa dihang wala na mauli ang ilang puhonan human pasaligi nga ihatag niadtong Septiyembre ning tuiga.

Si Myra (tinuod nga ngan gipugngan), 39, usa ka medical employee nga taga Banawa, Barangay Guadalupe, siyudad sa Sugbo miandam sa iyang mga papeles aron mosang-at na sa iyang reklamo batok sa Organico.

Usa siya sa gatusan nga mi reklamo sa buhatan sa Criminal Investigation and Detection Group (CIDG) 7 sa dihang wala na mabalik ang iyang kapin sa P100,000.

Sa ilang pamilya, miabot og P600,000 ang ilang napalit nga baboy nga moginansya unta silag kapin sa P1 million sulod sa tulo ka buwan.

Tinguha nila nga mabawi ang ilang kwarta ug pinaagi sa pagpasakag kasong estafa malaumon sila nga makab-ot nila ang ilang damgo nga sa nanglabay nga mga buwan padayon sila nga nagpaabot.

Human nga gipasirad-an sa Securities and Exchange Commission (SEC) ang buhatan sa Organico ug uban nga giila nga investment scam, nagpadayon ang komuonikasyon sa ilang ahente nga dili lang magpakawala sa paglaom kay ulian sila sa tag-iya niini.

Nidugang si Myra nga gi am-aman pa sila nga ang kwarta nga ilang nahatag sa kompanya ipa tuyok nila kini aron mo ginansya pa kini diin sa unang tanyag mitugot ra usab sila apan nagduda na sila nga gi delay lang sa kompanya aron dili sila maka balik sa ilang kaugalingong kwarta.

Si Police Major Roland Allan Tolosa, Deputy Regional chief sa CIDG 7 ,nagkanayon nga ang ilang buhatan andam nga motabang sa mga reklamante batok sa Organico.

Giingong daghan pa ang mo dangop sa CIDG 7 tungod kay wala matuman niini ang saad nga bayran sila sa ilang na invest nga dakong kantidad sa maong kompanya. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph