KAPIN sa tunga sa milyon nga kantidad sa shabu ang nasakmit sa mga operatiba sa tulo ka managlahing ronda niadtong Huwebes sa gabii, Nobiyembre 14.
Pasado alas 10 sa gabii sa Huwebes sa dan Alumnos, Barangay Basak San Nicolas, g siyudad sa Sugbo, upat ang nasikop, tulo babaye ug usa lalaki.
Nasakmit sa buy bust ang kapin sa P200 mil nga balor sa drugas.
Usa ka oras ang milabay lain nga hugna sa buy bust sa dan Tres de Abril, Barangay Pahina San Nicolas, usa nadakpan ug laing 17 anyos nga lalaki ang naluwas.
Kapin sa P300 nga balor sa shabu ang nasakmit sa maong operasyon. Ang 17 anyos gi-turn over sa social welfare.
Sa katapusang hugna sa drug bust, usa ang nasikop sa City Drug Enforcement Unit sa Cebu City Police Office (CCPO) kagahapon, Biyernes sa kadlawon sa Bugnay 1,Barangay Labangon. (BBT)