SUPERBALITA CEBU

16 anyos nga taga CV unang biktima sa vape sa Pilipinas

USA ka 16-anyos nga babaye gikan sa Central Visayas (CV) maoy unang kaso sa nasakit sa electronic cigarette o vaping-associated lung injury (Evali) sa Pilipinas, sumala sa Department of Health (DOH).

Sa ilang pamahayag, si DOH Secretary Francisco Duque III nagkanayon nga ang pasyente na-admit sa wala gibutyag nga ospital ug nasulod og kadali intensive care unit (ICU).

“Patient is well with no recurrence of symptoms. Patient had abstained from using e-cigarettes and combustible cigarettes since her hospitalization,” matod ni Duque.

Matod ni Duque, ang pasyente nagsugod sa paggamit og e-cigarettes with flavored e-liquid matag adlaw sukad niadtong Marso 2019 sulod sa tulo ngadto sa upat ka uwan nga nagsuyop sa combustible cigarettes.

Duha ka semana sa wala pa maospital ang dalagita, kini nakasinati og non-productive cough o gahi nga ubnos, diin wala na maayo sa tambal.

Gidala sa ospital human naglisod na sa pagginhawa ug gidala sa pediatric pulmonologist, kinsa nipasud sa ICU alang sa close monitoring. Ang dalagiita gibalhin sa regular ward ug gi-discharged human sa unom ka adlaw uban sa diagnosis sa Evali.

Niadtong Oktubre, ang DOH niawhag sa tanang government ug private hospitals, clinics, ug health facilities sa pag- monitor ug pagtaho sa mga kaso sa Evali.

Kini human ang World Health Organization (WHO) nipaila sa International Classification of Diseases (ICD) 10 code U07.0, diin usa ka international tool alang sa pag-classify ug monitor sa sakit nga kinahanglan nga mataho dayon sa awtoridad ang nasakit niini sa paggamit sa ectronic cigarettes sa miaging 90 ka mga adlaw. (SunStar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph