NAPULO ka tuig gikan karon, asa kaha nimo nakita ang imong kaugalingon?
Usa kini sa sagad pangutana nga kita makahinuklog, panahon nga mangaplay kita og trabaho o nagmuni-muni lang sa kaugalingon.
Alang ni psychology graduate Maria Teresa Bermejo o Myra wa siya magdahum nga mahimo siyang insurance agent.
Usa ka matang sa trabaho nga manginahanglan og interaksiyon sa uban, pagtudlo og financial literacy, pagmintina og saktong relasyon sa imong kasaligang kliyente.
Ginabuhat niya kini sud nas tulo ka tuig ug napabilin ang estado nga Elite Bronze Planner.
Ang nakapausab kaniya mao ang tumong nga molambo ug mapalambo pa ang kaugalingon.
“Dili baya ko tabian sa una. Kung makita lang ko nimo sa eskwelahan sa una, wala tao-tao lang ko. Hangin-hangin lang. Tungod man gud atong personal development, na-transform ko.”
Nagtrabaho siya kaniadto sa usa ka mall sa Davao City isip Human Resource (HR) assistant sud sa tulo ka tuig.
“I stayed there for three years. I resigned because na feel nako wala’y personal growth. Naa may trainings and experiences pero all about sa work. Dili siya sa personality.”
Human ang pila ka bulan nga way trabaho, gidasig siya sa iyang amahan nga moapil og insurance company.
“Naay feeling na kanang mao na siguro ni akong ginahulat para sa personal development and growth but it did not end up to what I really envisioned,” suma niya.
Ang tim asa siya nahilakip ang nawala tulo ka bulan human siya miapil.
“I was questioning everything ba that’s been happening because I did not intend to be here in the first place. Nagjoin gani ko ani para naa koy mahimo unya nganong nawala na pud,” dugang niya.
Hangtud pila ka miyembro sa kompanya mibalhin sa laing insurance firm ug gidala siya. Nakita niya ang lugar asa niya mas mapalambo pa ang iyang kaugalingon.
“I fell in love with the team because they incorporate life coaching in financial coaching, the team, and the culture.”
Nahuna-hunaan niyang ang ‘personal growth’ di moundang kung mahibalag na nimo kini, apan kini usa ka nagpadayong proseso.
“Narealize nako nga naa pa gyud diay ikagawas nga murag naa pa gyud diay potential ang usa ka tao. You can never judge a person based on their current situation even if seems they have already achieved success. We can still do better than that,” ni Bermejo.
Dugang niya unsa mang panghitabo sa kinabuhi sa usa ka tawo magtudlo kini kaniya labot kinabuhi.
“What I am looking forward pa in this industry is being a leader, creating a team and I want to influence them or convince them that they can still be the best version of themselves.”
Niya, aron masugdan ang pagbag-o, angay kining magsugod sa imong kaugalingon.
“Before you can change as a person, you need to be aware first kung unsa imong sarili para from there, ma-identify nimo kung unsa pa ang imong kailangan ichange.”