NAGPAKAARON ingnon nga mga kustomer ang tulo ka mga tulisan ug buot magpahangin sa ligid sa motorsiklo kay giingong kulang .
Ang tulo ka mga tulisan nag-angkasay.
Gitawag sa mga tulisan ang gwardiya nga duty adtong higayuna ug nag-inusara aron moabag kanila sa pagpahangin.
Wa magtuo si Cheryl Pongaotan nga mga tulisan na diay ang nitawag kaniya.
Usa sa tulo ka mga lalake nga sakay sa motorsiklo nition kaniya og pusil. Human sa pagtion gamit ang armas nga wa pa matino ang kalibre, gikuha ang armas nga .38 caliber revolver nga isyu kang Pongaotan.
Gigapos una ang iyang mga kamot sa cable wire dayon sulod sa opisina.
Matod pa ni Police Corporal Roel Aquino, desk officer sa Consolacion Police, nga si Pongautan mao ray diha atol sa pagtulis sa Petron Gasoline Station sa Barangay Cansaga, lungsod sa Consolacion.
Dugang ni Aquino nga nahitabo kini mga alas 3:30 Sabado sa kaadlawon, Nobiyembre 16, 2019.
Nakasulod ang mga tulisan sa opisina ug giablihan ang gamay nga vault nga maoy gisudlan.
Nakuha sa mga tulisan ang P180,000 nga kita sa gas station.
Daling nanibat ang tulo ka mga tulisan sa wa pa matino nga direksyon.
“Pulos naka tabon lang ang ilang nawong ug naka helmet unya sakay sa usa lang ka motor,”matod ni Aquino.
Mga 30 minutos human sa tulis una pa na-report ang insidente sa kapulisan.
Kini human makabadbad sa cable wire nga gapos ang sikyu,
Ang kapulisan sa Consolacion padayon pa sa pagkuha sa mga kuha sa close circuit television (CCTV) footage aron pagtino diin gikan ug paingon ang mga tulisan. (BBT)