AWTOMATIK na nga mga miyembro ang tanang Pinoy sa bag-ong Universal Health Care Act o Republic Act No. 11223 nga gipatuman ni Presidente Rodrigo Duterte niadtong Perbrero 20 karong tuiga.
Ang Universal Health Care Act naglakip sa tanang health sectors aron mahatagan ang tanang Pinoy og maayong kalidad ug barato nga serbisyo sa panglawas nga di na mabalaka sa mga gastuhonon.
Matod ni Dina Cinchez, public relations officer sa Philhealth Region VII, pinaagi sa UHC, palapdan niini ang lainlain nga klase sa benepisyo sa Philhealth.
“Tanang benefits sa Philhealth, ma avail ra sa Universal Health Care Act and eventually madungagan ang iyang benefits. Automatic na maka avail ang tanan. Di naman ta motan-aw og pila ang contribution,” pagpasabot ni Cinchez. Adunay duha ka mga kategoriya ang membership sa UHC.
Una mao ang direct contributors sama sa mga trabahante, self-employed ug lifetime members sa Philhealth.
Sila mao ang naghatagan og contribution.
Ang ikaduhang matang sa miyembro mao ang indirect contributors sama sa senior citizens, indigents nga naapil sa listahan sa Department of Social Welfare and Development (DSWD) sa mga beneficiary sa 4Ps ug persons with disabilty (PWD).
Sa UHC, makapahimulos gihapon ang mga tawo nga way kapasidad nga makabayad sa iyang kontribusyon.
Ang DSWD maoy gitahasan sa pagsusi niini.
Ang mga benepisyo sa UHC mao ang inpatient ug outpatient, primary care, catastropic o Z benefits sama sa mga cancer ug ang MDG ug special benefits.
Kon pila ang gahin, ibase sa matang sa sakit ug di limitado kon pilay natampo sa matag miyembro.
“All accredited hospitals in Region 7 are covered sa UHC. But they are encouraged to form a network kung asa naa na silay primary care. Naa puy specialist and clinics. Dapat network sila kay diri man ta tanan magsugod para naay health monitoring,” sigon ni Cinchez
Ang pundo nga gigamit sa UHC nagagikan sa contribution sa direct members.
“Cebu is one the provinces nationwide for the pilot project ug UHC. Considered as an implementing site. Special health fund nga i-provide ngadto sa mga na-form nga mga network through LGU, it will be based sa existing gibayad sa contributors for the previous year,”pagpasabot ni Cinchez. (JCT)