Tubig sa Jaclupan dam ubos sa naandan: MCWD

HAPIT MAHUBSI: Mao ni ang kahimtang sa Jaclupan dam sa Metro Cebu Water District (MCWD) sa Barangay Jaclupan, Dakbayan sa Talisay. Sa naandan sa Nobiyembre, ang dam daghan og tubig tungod sa uwan. Apan karong buwana ug sa nanglabay nga mga buwan ning tuiga, minos kaayo ang uwan itandi sa naandan. (Tampo sa MCWD)
HAPIT MAHUBSI: Mao ni ang kahimtang sa Jaclupan dam sa Metro Cebu Water District (MCWD) sa Barangay Jaclupan, Dakbayan sa Talisay. Sa naandan sa Nobiyembre, ang dam daghan og tubig tungod sa uwan. Apan karong buwana ug sa nanglabay nga mga buwan ning tuiga, minos kaayo ang uwan itandi sa naandan. (Tampo sa MCWD)

DI SAMA sa naandan, ubos ang level sa tubig karon sa Jaclupan dam sa Metropolitan Cebu Water District (MCWD).

Kini kon itandi sa Nobiyembre sa nangaging katuigan.

Karon, nag-average lang ang supply niini og 21,000 cubic meters (cu.m) matag adlaw, labing ubos sa matag adlaw nga produksyon sa Nobiyembre sa nangaging 10 ka mga tuig.

Matod sa production data sa MCWD gikan sa 2010 ngadto sa 2019, mao unta kining buwana nga dunay labing taas nga volume sa tubig ang pasilidad apan, sukwahi ang nahitabo. Matag summer lang unta mokubos ang tubig niini tungod sa way uwan.

Ang Philippine Atmospheric Geophysical Astronomical Services Administration (Pagasa) naka-record og 50 porsyento lang sa uwan sa Agusto ngadto sa Septiyembre 2019.

Mao unta kining mga panahuna nga maka-recover ang Jaclupan gikan sa ting-init nga mga buwan. (PR, REV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph