2 patay sa bangga sa motor, truck

DEAD on arrival sa tambalanan ang duha ka hamtong mga lalake nga sakay sa usa ka motorsiklo nga nabangga sa pick-up truck sa highway sa Barangay Tapon, lungsod sa Dalaguete alas 8:30 sa gabii sa Biyernes, Nobiyembre 15, 2019.

Si Police Staff Sergeant Leon Gesim, desk officer sa Dalaguete Police Station nga nahinabi sa Superbalita Cebu niingon nga ang mga sakyanan naglakip sa Toyota Hi-Lux nga pick up type nga gimaneho ni Rodel Yee nga paingon sa Dumaguete City ug usa ka motorsiklo.

Ang mga biktimang nangamatay giilang sila si Vicente Ceballos, 56, nagmaneho sa motorsiklo ug iyang angkas nga si Marianito Gabato 52, pulos taga Barangay Panas, lungsod sa Dalaguete. Dugang ni Gesim nga ang motorsiklo kasugat sa truck kay paingon sa amihanan.

Grabeng kadaut sa kalawasan ang nahiaguman sa mga biktima hinungdan sa kamatayon. Samtang si Lee anaa pa sa Dalaguete Police Station nga posibleng mag-atubang og kasong reckless imprudence resulting to multiple homicide kon mokiha ang mga pamilya sa mga biktima. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph