SUPERBALITA CEBU

Call center agent gikiha og cyber libel, gidakop

BABAYENG call center agent gidakop sa mga sakop sa Regional Anti Cyber Crime Unit 7 human malutsig siyam ka mga warrants of arrest sa siyam ka mga kasong cyber libel.

Ang nikiha kaniya mao ang ex-girlfriend sa iyang boyfriend nga iyang giingong gikaaway sa chat.

Ang nasikop mao si Daphne Apeña, 28, taga Barangay Lorega San Miguel, Siyudad sa Sugbo.

Si Judge Ramon Daomilas Jr, sa Regional Trial Court (RTC) Branch 11 sa Siyudad sa Sugbo nga nakakita og basehanan pagluwat sa warrants of arrest nga pinitsahan niadtong Oktubre 16, 2019.

Matod ni Police Colonel Marlo Castillo hepe sa RACU-7 nga siyam ka warrants of arrest ang gi isyu ni Daomilas batok kang Apeña sa kalapasan sa section 4 (c) (4) sa Republic Act 10175 kun Cyber Crime Prevention Act of 2012 nga adunay P30,000 nga pyansa sa matag usa ka kaso.

Ang nipasakag kaso batok kang Apeña mao ang kanhi hinigugma sa iyang uyab nga si Michelle Alanic sa dihang sila nag-chat sa private messenger.

Giingong si Alanic ginganlan og dili maayo ni Apeña sama sa pagsaway sa iyang pagka babaye, diin nakaduso siyag ebedensya ngadto sa RACU-7 nga naglakip sa screen shots sa ilang mensahe.

Nakurat nalang siya nga gipasakaan diay siyag kaso ni Alanic kay alang niya siya ang biktima tungod sa pag post sa ilang hulagway uban sa iyang uyab samtang naghigda sa kama sa usa ka kwarto.

Nakapakita siyag screen shots sa post ni Alanic kon giunsa siya sa pagpakauwaw niini sa social media. Matod ni Apeña nga daghan ang mi comment nga pulos pagpanaway kaniya.

Iya usab nga gipakita ang tanang communication nilang duha nga iyang gihulagway nga siya ang biktima ug di si Alanic.

Tungod niini, mobali usab siyag pasakag kasong cyber libel ngadto sa Cyber Crime Unit 7 nunot sa pagpakauwaw kaniya sa social media.

Nagsugod ang ilang binayloay og mensahe niadtong Hulyo ning tuiga sa dihang nagkauyab sila sa kanhi uyab usab ni Alanic.

Nasultian niya kinig “pukpuk” kun hugaw nga klase nga pagka babaye.

Gibutyag ni Castillo nga ang korte nakakitag probable cause mao nga napasakaan og kaso si Apeña tungod sa mga below the belt nga pamahayag niini.

“Pag sinabi nating libelous remark, ito yung below the belt, example ikaw ay Magdalena ka, isa kang Puk-puk. Those are below the belt remark So, meaning, pag nakakita kasi ng probable cause at iba-iba yun, magkakaroon siya ng counting sa violation,” matod ni Castillo.

Gihulagway ni Castillo nga bug-at ang kasong cyber libel hinungdan nga mipahimangno siya sa mga tawo nga likayan ang pagsulti og dautan sa social media tungod kay mahimong gamiton aron mapasakaan kinig kaso.

Ang kasong cyber libel ang labing daghan nga gisang-at sa ilang buhatan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph