SUPERBALITA CEBU

Game One sa Cesafi finals libre sa mga estudyante

Logo sa Cesafi.

ARON pagkabig og paghatag og kahigayonan sa mga estudiyante , i-libre ang general admission sa Game One sa Cebu Schools Athletic Foundation, Inc. (Cesafi) finals nga ipahigayon sa Cebu Coliseum Lunes, Nobiyembre 18, 2019.

Sa post ni Talisay City Mayor Gerald Anthony "Samsam" Gullas, team manager sa University of the Visayas (UV) Green Lancers, si Cesafi commissioner Felix Tiukinhoy Jr. misugot sa ilang hangyo nga dili pabayran sa mga tinun-an ang general admission.

“So I called boss Tiukinhoy that UV and SWU (Southwestern University) is personally asking him na e-libre ang general admission for the finals kay I believe both schools share a deep history and very passionate fans. I’d like to thank Boss Tiuki for his decision," matod ni Gullas.

"Libre nato all students of all Cesafi schools sa general admission if they show their IDs for Game 1 Monday," pagkutlo ni Gullas sa gipamahayag ni Tiukinhoy.

Gisaysay ni Gullas nga una na niyang gitawagan si Gilbert Braganza sa SWU aron pagkonsulta sa iyang sugyot.

Iyang gipasabot si Braganza kalabot sa kasaysayan sa hugot nga panagribal tali sa UV ug SWU sa Cebu basketball.

“So I just talked to SWU management through Sir Gilbert Braganza. Asked for his opinion regarding something I’d like to bring up to Cesafi commissioner, Felix Tuikinhoy,” ingon ni Gullas sa iyang na-post sa Facebook.

Ang duwa sugdan sa alas 5:15 sa hapon diin ang defending champion University of Cebu (UC) Baby Webmasters makigsangka sa SHS-Ateneo de Cebu Magis Eagles samtang sugdan sa alas 6:45 pm ang panag-engkuwentro sa UV ug SWU. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph