SUPERBALITA CEBU

5 sikop sa buy-bust sa Talisay

CEBU. Lima ka lalake ang nasikop sa Talisay City Police Station-Drug Enforcement Unit sa gihimo nga buy-bust operation sa Sitio Libo, Barangay Mohon, Dakbayan sa Sugbo. (Tampo nga hulagway)

LIMA ka lalake ang nasikop sa Talisay City Police Station-Drug Enforcement Unit sa gihimo nga buy-bust operation sa Sitio Libo, Barangay Mohon, Dakbayan sa Sugbo alas 8:20 sa buntag, Dominggo, Nobiyembre 17, 2019.

Subject sa maong operasyon mao si Jerome Restauro, 30, taga Barangay Mohon, Dakbayan sa Sugbo, ug giila nga street-level target.

Nadakpan pud silang Eddiardo Villaver, 47, Lauron Sanchez, Anecito Cañedo, 40, mga residente sa Barangay Mohon ug si Raffy Primor, 21, taga Sitio Kilawan, Barangay Tangke, Dakbayan sa Talisay.

Matod ni Police Major Gerald Ace Pelare, hepe sa Talisay police, gawas sa mga nadawat nga report gikan sa mga nagpakabana nga Talisaynon, usa usab ang pangalan ni Resauro sa itudlo nga gigikanan sa drugas sa pipila ka mga nadakpan sa Talisay police.

Gisusi pa sa mga pulis kon ang upat kauban ni Restauro o mga kustomer lang.

Nakuha gikan kanila ang 13 ka gagmay ug usa ka medium-sized nga pakete sa gidudahan nga shabu ug aduna'y kini street value nga dul-an sa P5,000.

Kasong kalapasan sa Republic Act 9165 kun may labot sa paghupot ug pagpamaligya og ginadili nga drugas ang ipasaka nga kaso batok sa lima. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph