SUPERBALITA CAGAYAN DE ORO

"Salamat sa 9" logo gipakita ni Emano

GILUSAD ni Misamis Oriental Governor Bambi Emano ang logo nga “Salamat sa 9” niaging semana sa wala’y bugto nga suporta sa katawhan sa lalawigan kaniya.

Tulo ka eleksyon ang nangagi apan wala kini mapildi sa matag eleksyon ug gihurot ni Emano iyang termino isip amahan sa lalawigan.

Matud ni Emano nga tungod kini sa dakong pagsalig sa katawhan ug ilang nakita ang tinud-anay nga serbisyo.

Matud niya, mubo ra kaayo ang siyam ka tuig alang sa pulitiko nga maayo ang serbisyo kon itandi niadtong kurap nga mga opisyal.

"Well to some...they say that 9 years is too long if you are stupid, crazy and corrupt, but too short if you are performing and trying to do everything for the people of Misamis Oriental," matud ni Emano.

Gumikan niini, buot niini nga mosuroy sa kalungsoran aron magpasalamat sa pagsalig nga gihatag kaniya.

"I will be launching our new logo. This is what I call "Salamat sa 9." Pasalamat na kana mga igsuon sa siyam ka tuig nga gihatag kanato. We will already start thanking our people. Hangtod gyud intawon karon wa ko maminyo kay gipakaslan gyud nako ang trabaho sa lalawigan sa Misamis Oriental. It’s also time to thank them already," matud niini.

Malaumon sab si Emano nga sa nahibiling pipila na lamang ka tuig sa pagtapos sa iyang termino mapatuman ang tanan niyang plano alang sa kalambuan sa lalawigan.

"Kanang siyam ka tuig we will start thanking our people. I think it’s also time to thank them already. It takes three years to thank them already. Akong gihangyo uban department head, gusto ko mobalik og hand shaking sa mga munisipyo. That’s a plan that I will be able to go back to the municipality, shake the hands of everybody and thank them for the nine wonderful years that they have given me the opportunity to have served our people in Misamis Oriental," dugang niini atol sa pagpakayab sa nasudnong bandila niaging semana.

Kon matapos iyang termino, daghang posisyon nga iyang ikonsiderar nga daganan lakip na niini ang giingong posibleng magmayor sa lungsod sa Villanueva ug Tagoloan, kongresista sa Second District sa Misamis Oriental, ug mayor sa Dakbayan sa Cagayan de Oro.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph