SAMARAN sa pinusilay ang upat ka miyembro sa New People’s Army Special Partisan Unit (NPA-Sparu) human kini sila nakorner sa kapulisan sa Purok-12, Barangay Tongan-Tongan, Valencia City, Bukidnon.
Giresponde sa kapulisan sa Valencia City Police Station sa pagpangulo ni Police Lieutenant Colonel Surki Sereñas hinungdan nakigkoordinar kini sa kasundalohan sa dapit.
Dihang gi-adtuan sa kapulisan nahitabo pa ang pagbinayloay og bala hinungdan nasamdan ang mga suspetsado.
Ang suspek giilang sila si Fredireck Tagurda, 27, alyas Peding ug sila alyas Agay ug alyas Santo nga sa uwahi nasuta nga miyembro sa NPA-Sparu.
Nakuha sa ilang posisyon ang usa ka granada, kalibre .45, magazine, cellphone ug nagkadaiyang mga armas.
Matud ni Sereñas, gikonsiderang sakit sa ulo sa Bukidnon kining mga dinakpan human giingong suspek sab kini sila sa sunod-sunod nga pagpanulis, pagpangilkil ug uban pa.
Giluwas ug gitabangan pa sa kapulisan ang mga samdan na walhong grupo usa gidala sa balay tambalanan. Outpatient sila human natambalan.
Ang mga dinakpan mag atubang og patong-patong nga kaso karong panahona.