ANG St. John Paul II College of Davao (SJPIICD) Saints miangkon sa unang pwesto sa 2019 Collegiate Sponsors League (CSL) Escandor Cup bracket A team standings human gipildi ang nangunang University of Mindanao (UM) Wildcats, 79-77, sa main match, Biyernes sa gabii, Nobyembre 15, sa Almendras Gym Davao City Recreation Center.
Ang The Saints milambo ang 4-1, win-loss card samtang ang Wildcats may 3-2.
Ang liga gi-organisa ni Samahang Basketbol ng Pilipinas (SBP)-Davao Region director Glenn Escandor isip qualifying sa Philippine Collegiate Champions League (PCCL) 2019 Mindanao Finals.
Si Patrick Salvo mao sab ang SPC-Mandarin best player of the game.
Siya mihuman og unom ka puntos, siyam ka rebounds, siyam ka assists ug pito ka steals.
"Una sa tanan, pasalamat sa Ginoo gitupad among pag-ampo bisag nag-apas mi. Thankful kaayo mi kay coach wala siya nawad-an pag-asa sa amoa. Ingon niya depensa rami. Before offense, unahon defense. Ngadto mi nakabawi."
Sa laing duwa, ang Mats College of Technology Navigators mipaunlod sa Agro-Industrial Foundation College of the Philippines (AIFCP) Sailors, 75-71, aron makuha ang ikatulong daug, ma-okupa ang fourth spot sa bracket A team standings.
Ang Sailors, naunlod sa ikalima, may 2-2 win-loss card.
Samtang ang DMMA College of Southern Philippines (DCSP) milambo sa 3-2 mark human ang 82-62 nga kadaugan kontra San Pedro College (SPC).
Ang duwa nagpadayon kagahapon, diin ang Jose Maria College (JMC) Kings nanganti sa ikalimang sunod nga daug kontra Asian International School of Aeronautics and Technology (Aisat), samtang ang 2-3 Holy Cross of Davao College (HCDC) Crusaders makigbugno sa 2-1 Cor Jesu College of Digos ug UM Main kontra Agro.