NAKAHAN-AY na ang nagkadaiyang kalihukan subay sa Pasko Fiesta 2019 sa Davao City.
Subay sa schedule nga gipaguwa sa City Government of Davao, ang Pasko Fiesta Opening and Official Lighting of the Christmas Tree himuon karong 5:30 p.m., Nobyembre 22 sa Quezon Park.
Atangan sab ang Pasko Fiesta 3D Wall Mapping, usa ka 3D Light Show sa City Hall, alas 6 p.m., gikan Nobyembre 22 ngadto Disyembre 31 sa City Hall.
Dungan sa Pasko Fiesta, ang photo contest nga Hulagway sa Pasko Fiesta 2019, gikan Nobyembre 22 ngadto Enero 1, 2020.
For sure sab nga malingaw ang mga bagets sa Pasko Fiesta Carnival nga kapin bulan nga amusement rides ug freebies alang sa mga Dabawenyos sa Rizal Park, nga mahuman Enero 4.
Luyo ning kalingawan, motuyok sab sa mga barangay ug nag-unang dapit sa siyudad ang mga aktibidad.
Gikan Nobyembre 23 ngadto 24, ug Nobiyembre 29 ngadto 30 himuon ang Pasko Pahalipay sa Barangay.
Anaa sab ang Pahalipay ni Santa, sa Magsaysay Park, People's Park ug Osmeña Park, Nobyembre 23 ngadto 24 ug 29.
Daghan sab ang excited sa Panaygon sa Davao nga panaygon sa nagkadaiyang choir groups, alas 6 p.m., Nobyembre 23 ngadto 24 ug 29.
Of course, uban sa kalingawan ang kan-anay. Anaa ang Pasko Fiesta Salu-Salo sa Sta. Ana Wharf, alas 6 p.m. ngadto 12 a.m., Nobyembre 29 ngadto Disyembre 1.
Masaksihan sab ang Koro sa Pasko sa CAP Auditorium, alas 9 p.m. sa Disyembre 5.
Gikan Disyembre 1 ngadto 15, Pasko sa mga lumad: Kahayag sa Pasko gikan Disyembre 1 ngadto 22.
I-exhibit sab ang mga midaug nga hulugway sa Hulagway sa Pasko Photo Exhibit sa SM City Annex Building, Disyembre 2 ngadto 27.
Anaa sab ang Lamdag Parada sa Sta. Ana Wharf, alas 5 p.m., Disyembre 15.
Mga Davao artists may Christmas variety show sab via Pasko Daba-Daba, alas 6 p.m., Disyembre 21, Sta. Ana Wharf.
Hataw to the max sab sa Sayaw sa Pasko Fiesta sa Sta. Ana Wharf, alas 4 p.m. sa Disyembre 22.
Gidapit sab ang tanan sa pagsalmot sa Misa Dabawenyo sa San Pedro Cathedral, 4 p.m. sa Disyembre 25.
Sugdan sab kini sa Yugyugan sa Pasko Fiesta sa Sta. Ana Wharf, 6 p.m. sa Disyembre 25.
Ug tungod gidili ang mga pabuto sa Davao, maghugyaw ang tanan sa Torotot Fest, sa Rizal Park, 7 p.m. sa Disyembre 31.