Manghihilot gidili nga mopaanak

MATANAO, Davao del Sur -- Hugot nga ipatuman sa lokal nga gobyerno ang pagdili sa mga manghihilot nga mopaanak og mga mabdos sa ilang lugar.

Sumala ni Bise Mayor Alfredo Panerio, giduso na sa Sangguniang Bayan (SB) ang ordinansa nga angayang sa mga birthing place o lying-in center lang manganak.

Usa sa mga tumong sa lokal nga gobyerno nga mahimong luwas ang mga mabdos nga mohimugso sa ilang mga anak.

Nasayran nga ang pagdili pagpanganak sa mga balay ang makamenos usab sa maternal mortality rate diin sagad mahitabo kon dili maayo pagkahimugso ang bata.

Matod ni Panerio, adunay gitakdang multa ugaling masakpan nga molapas niini ang usa ka inahan ug apil sab nga manubag ang responsable sa pagpaanak.

Alang sa mga opisyal nga dako og ikatabang sa kaluwasan sa bata ug sa inahan ang maong ordinansa.

Kahinumduman nga nauso kaniadto ang pagpanganak pinaagi sa abag sa mananabang kay barato lang ang bayad niini kon itandi sa kapin P3,000 na nga pagpanganak sa ubang lying-in center sa gobyerno.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph