PIPILA ka beneficiaries ug partners sa Department of Social Welfare and Development Field Office VII (DSWD-7) niapil sa 5th Panaghiusa Festival sa Acttivity Center sa Ayala Mall Cebu, dakbayan sa Sugbo niadtong Oktubre 22, 2019.
Gipaambit nila giunsa sa pagkuha sa benepisyo sa mga programa ug serbisyo sa DSWD 7.
Si Jason Sanchez nipaambit sa makapadasig nga istorya giunsa sa pagsagop og bata.
“If God will not give you a child (your own child), you can have the opportunity to share your love to other child. It is a very nice feeling that we were able to adopt a child as we have been praying for a child,” matod ni Jason.
Gipaambit niya ang paghangop ni Señor Sto. Nino de Cebu atol sa Sinulog 2016 ug pagka Nobiyembre sa samang tuig, nakadawat og grasya human niabot si 'Francheska' nga ilang gisagop sa tabang sa DSWD-7.
Si Albert Bompat, barangay kapitan sa Bil-isan, Panglao sa Bohol, madasigon nga nibutyag sa pagdonar sa ilang pamilya og luna gitukoran sa Kalahi-CIDSS high school building sa ilang dapit.
Si Tommy Daomani, kanhi Pantawid Pamilya partner-beneficiary, niingon nga maimpluwensiya ang ubang Sama Bajau human siya nakagraduwar sa Social Work ug nakapasar sa board exam.
Ang opening salvo gitapos sa fashion show sa SLP livelihood products gikan sa Bohol, Cebu, Negros Oriental ug Siquijor provinces sama sa nito basket, guitar, ug uban pa. (PR)