SUPERBALITA CEBU

George 37 points sa 20 minutos

MIPAULBO og 37 puntos si Paul George sulod lang sa 20 minutos sa iyang unang duwa sa Staples Center isip bag-ong sakop sa Los Angeles Clippers, sa dihang ilang gihagsa ang Atlanta Hawks, 150-101, Dominggo, Nobiyembre 17 sa National Basketball Association (NBA)

Apan sa maong duwa, wala ang laing star player sa Clippers nga si Kawhi Leonard tungod sa gamayng angol nga naangkon niini sa wala nga tuhod hinungdan nga wala pa gyud mahitabo ang gipaabot nga magkadungan sila sulod sa korte.

Natupngan ni George ang iyang career high nga unom ka triples ug mikompleto sa iyang unom ka free throws sa pinakadakong kadaugan sa season.

Gilingaw ni George ang ilang mga dumadapig human siya nakahimo og steal, mi-dribble paingon sa ilang goal diin didto gipasulbong pagpasa ang bola ngadto ni Montrezl Harrell ug dayong hansak nga maoy nagbingat sa ilang labaw ngadto sa 36 puntos.

Sa kasaysayan, siya ang unang player sa Clippers nga naka-score og duha ka sunodsunod nga 30 puntos o kapin sulod sa duha ka duwa sa team.

Sa iyang unang duwa, si George mipugnit og 33 puntos didto sa korte sa New Orleans diin wa gihapon makaduwa si Leonard.

Sa laing duwa, gibuntog sa Dallas Mavericks ang defending champion Toronto Raptors, 110-102, ubos sa pagpangulo ni Luka Doncic kinsa perpektong mipasulod sa iyang pito ka free throws sa fourth quarter nga maoy nahimong yawe sa kadaugan.

Si Doncic mitapos sa duwa nga may 26 puntos.

Si James Harden mipakatap na usab og 49 puntos aron itugpo na usab ang undermanned Rockets ngadto sa 125-105 nga kadaugan batok sa Minnesota Timberwolves.

Ang Nets mibaling sa Bulls, 117-111; gisungag sa Bucks ang Pacers, 102-83; gituhik sa Hornetts ang Knicks, 103-102;

Gipainitan sa Miami ang Pelicans, 109-94, gibuntog sa Portland ang Spurs, 121-116. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph