NASIKOP ang 15 anyos nga lalake gipasanginlan nilugos sa laing menor nga 17 anyos nga babaye sa Barangay Tulay, lungsod sa Minglanilla niadtong Biyernes sa gabii, Nobiyembre 15.
Apan ang suspek sa Sabado sa gabii na, Nobiyembre 16, nasikop dihang nagpakitabang ang biktima.
Si PSMsgt. Dante Valiente, desk officer sa Minglanilla Police Station, gikuyogan ang biktima sa iyang bayaw aron isumbong ang panghitabo.
Ang biktima niasoy sa Womens and Children Protection Desk nga nakaila niya ang suspek pinaagi sa chat sa Facebook duha ka adlaw sa wa pa ang hitabo.
Hangtod nga nagkasabot nga mag-abot sa panimay sa igsuon sa biktima diin ang babaye nagpuyo aron mag-movie marathon atol nga nilakaw ang iyang maguwang.
Dugang ni Valiente, nakuha ang biktima nga gihulagway nga duna pay lama sa dugo sa underwear niini ug daghang pinaakan sa hawok sa iyang lawas.
Tungod sa sumbong sa biktima, daling gidakop ang suspek, kinsa nihimakak sa pasangil nga lugos apan nauyonan nila ang pakighilawas ug nangangkon nga siya ang gidapit sa babaye.
Andam hinuon ang suspek nga motubag sa kaso nga ipasaka batok kaniya. (BBT)