SUPERBALITA CEBU

Jobert mi-plead guilty sa kasong libel

MIANGKONG guilty ang radio host, entertainment columnist, ug talent manager nga si Jobert Sucaldito sa kasong libel nga gisang-at sa Kapamilya singer Erik Santos ug sa talent manager niini nga si Erickson Raymundo, niadtong miaging semana.

Niadtong Marso 30, 2017, nagpatong-patong ang kaso nga gisang-at ni Santos base sa sagunson nga birada ni Sucaldito sa iyang kulom ug programa sa radyo, natala nga taho sa PEP.ph.

Nakita sa singer nga malisyuso na ang mga pamahayag sa maong radio host ngadto kaniya.

Niadtong Oktubre 12 sa maong tuig, pormal nga gikiha si Sucaldito og 37 counts of cyber libel ngadto sa Quezon City Prosecutor’s Office.

Ang tinguha sa maong radio host sa pag-angkon sa maong pasangil aron nga kaus-usan ang gibug-aton sa iyang kaso gikan sa cyber libel ngadto na sa ordinary libel ingon man ang kantidad sa piyansa matag libel case nga iyang giatubang.

Ni-apply sab og probation ang veteran entertainment personality niadtong Enero 17, 2019 ngadto sa Quezon City Regional Trial Court, inay nga mabalhug sa bilanggoan.

Sa maong paagi magmatngon si Sucaldito sa iyang lihok o mga pulong nga luwatan kay adunay probation officer nga magbantay kaniya.

Sa higayon nga makahimo og salaod sa katilingban diretso nang mabilanggo ang maong kulomnista.

Ang maong application for probation kasamtangan pang-giproseso kon tugotan kini sa korte. (B)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph