SUPERBALITA CEBU

Lalaki gipusil patay samtang gigapos ang kamot

GI-SALVAGED? Blangko pa ang kapulisan kung kinsa ang mga mamuno sa pagpusil patay ni Jolito Aballe sa Sitio Puri, Barangay Camp 7, sa dakbayan sa Minglanilla niadtong Dominggo sa gabii, Nobyembre 17. Giingong biktima sa "summary execution" si Aballe human kini nakit-an nga gigapos ang mga kamot niini. (SunStar foto/ Benjie B. Talisic)

NAPALGAN nang walay kinabuhi ang usa ka lalaki sa Barangay Camp 7, lungsod sa Minglanilla niadtong Dominggo sa gabii, Nobyembre 17, 2019.

Nailhan ang maong biktima nga si Jolito Aballe nga residente sa Sitio Lantawan, Barangay Sinsin, dakbayan sa Sugbo.

Duha ka lalaki nga naglakaw lang sa maong dapit ang nakadiskobre sa ang patayng lawas ni Aballe nga nagbuy-od na sa Sitio Puri, Camp 7 pasado alas 11 sa gabii niadtong Dominggo.

Giingong biktima sa "summary execution" ang maong suspetsado human kini napalgan nga gigapos ang kamot niini sa luyo gamit ang alambre.



Giingong dunay samad pinusilan sa iyang kalawasan ang maong biktima.

Naa say nakit-an nga deformed slug ug usa ka kabhang sa wala pa matino nga kalibre sa armas.

Sigon ni P/Master Sergeant Junel Ater sa Minglanilla Police Station nga nagduda ang ilang mga imbestigador nga "personal grudge" ang motibo sa pagpatay ni Aballe human kini pasanginli nga nanunggab sa usa ka Ronald Bonghanoy sa Barangay Sinsin, dakbayan sa Sugbo, niadtong Sabado, Nobyembre 16.

Pero sigon ni Ater nga ila pang gipalawman ang ilang imbestigasyon kinsa ang nipusil patay ni Aballe og unsay motibo sa maong krimen./BBT/JKV


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph