SUPERBALITA CEBU

Pagkubkob sa luna sa Dumlog gipahunong

EXCAVATION SA BARANGAY DUMLOG GIPAHUNONG. Mga sakop sa City Legal Office sa dakbayan sa Talisay nga gipangulohan ni Atty. Rocky Bas (ika-upat, gikan sa wala) nipaskil og closure order sa gate sa usa ka gikoral nga luna nga nahimutang sa Barangay Dumlog, sa maong siyudad, human nasuta nga nagpahigayon kini og illegal excavation bisag walay permit gikan sa City Hall. (Hulagway gikan sa City of Talisay Public Information Office)

USA ka lugar nga gikoral sa Barangay Dumlog, siyudad sa Talisay diin adunay excavation activity ang gipadad-an og closure order sa Talisay City Legal Office, alas 11:00 sa buntag kagahapon, Lunes, Nobiyembre 18 kay walay permit gikan sa City hall.

Ang luna gipanag-iya sa gipatay nga kanhi pulis nga si Mikie Espina ug usa ka Wilfredo Onoda.

Sa gipadala nga notice to stop operations sa buhatan ni Atty. Giovanni Sususco, ang City legal Officer sa Talisay.

Gisaysay niini nga niadtong Agusto 8 ning tuiga pa nagpadala og Notice of Illegal Construction ang Office of the Building Official (OBO) tungod sa ilegal nga pagkalot sa maong luna.

Niadtong Oktubre 23, nihimo og ocular inspection ang OBO og nasuta nga wala kini fencing ug excavation permit.

Human sa gihimo nga mga pakisusi sa OBO ug City Legal Office (CLO) niadtong Oktubre 31, nipakanaug og desisyon ang CLO alang sa pagpahunonh sa illegal excavation sa dan Ernesto Bascon, Dumlog.

Wala una dayon gi-serve ang maong notisya sa panghinaot nga sila na mismo ang mopahunong sa kalihukan sa maong lugat, apan giingong nga nabantayan nga sud ning bulana, nagpadayon gihapon.

“In view of the foregoing, this office is left without any other recourse but to order the Stoppage of your Illegal Excavation immediately upon receipt hereof until such time you xan comply with the necessary permits and clearances,” tipik sa notisya.

Atol sa paghatud sa notisya, way bisan usa ang niatubang, ug igo na lang sa pagpatapot sa notisya ang mga sakop sa City Legal Office (CLO) sa gate sa kompanya.

Usa ka nagpaila nga barangay health worker ang niduol ug nitug-an nga kapin usa ka semana na nila nabantayan nga wala nay gatrabaho sa maong gikoral nga luna.

Ug nga giingong’ gibaligya na kini ngadto sa usa ka giingong Fil-Chinese. Kini karon ang usa sa gisusi sa CKO.

Apan giklaro nga way mahimo nga motrabaho sa maong luna, hangtud nga aduna na kini permit ug clearance gikan sa kagamhanan sa Talisay.

“Let this serve as a reminder that the City is mandated by the Local Government Code to promote the general welfare of the public. Thus it must strictly regulate the business establishments within its territory in accordance with the applicable City ordinance,” dugang niya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph