KARON lang ko nga duna sad diay mga Pinay beauty queen ang nangapil sa una aning Mrs. World.
Base sa atong pagdukiduki, akong nasayran nga si Daisy Reyes (Bb. Pilipinas-World 1996) nisalmot sa Mrs. World 2009 nga gihimo sa Vietnam apan semi-finalist ra ang beauty queen-turned-actress.
Si Melanie Marquez (Miss Int’l 1979) niapil sab sa Mrs. World 2005 nga gihimo sa India apan kutob ra siya sa Top 6.
Sa kasaysayan sa Mrs. World nga unang gihimo sa Amerika niadtong 1984 wala pa gyuy Pinay nga nakadaug ani nga pageant nga sagad gidominar sa mga Latina beauty.
Ang Cebuanang si Aida Patana na kaha ang unang Pinay nga modaug sa Mrs. World 2020 nga himuon sa Las Vegas, Nevada karong Dec. 6?
Ohmm... Abangan!
Preggy at 40s
Silang Regine Velasquez, Ana Capri, Miriam Quiambao, Pokwang ug karon si Ethel Booba ang pipila lang sa mga Pinay celebrity nga nabuntis sa natural nga paagi sa edad nga 40 o pataas.
Si Pokwang maoy pinaka-edaran nga nanganak sa edad nga 44 samtang si 1999 Miss Universe first runner-up Miriam Quiambao nanganak sa una niyang liwat sa edad nga 43 niadto lang Pebrero 2019.
Ambot sad bitaw kini hinuong mga sapian ug dunay nindot nga trabaho mao man hinuoy nihit kaayog anak. Unya ang mga kabus ug way mga klarong trabaho mao hinuoy daghan kaayog anak.
Ngano kaha na sa!? Wa tingali lingaw ang mga kyampaw.
Salamat SunStar
Wa lang hibaw-e mag-selebrar na sad ang igsuong mantalaan sa Superbalita nga SunStar Cebu sa iyang ika-37 nga anibersaryo karong Nobiyembre 25.
Dalia ra sa panahon. Maorag kanta ba nga, “Parang kailan lang. Halos ako ay magpalimos sa lansangan. Dahil sa inyo. Ang aking tiyan at ang bulsa’y nagkalaman...”
Daghang salamat, SunStar. Cheers!