GILANGKAT sa 1985 Legends ang back-to-back title sa USC-North Alumni Basketball Club: Cebu City Mayor’s Cup seniors division pinaagi sa pagdominar sa Batch ‘88 Barako, 82-65, niadtong Dominggo sa USC-North Campus gym, Gen. Maxilum Avenue, dakbayan sa Sugbo.
Ang kanhi PBA player nga si Lou Regidor maoy nangulo sa kadaugan pinaagi sa pagpakatap og 27 puntos, 15 ka rebounds, unom ka assists ug duha ka steals aron sakmiton usab ang MVP award.
Sa Division I, gikulating usab ni MVP Fritz Villamor ug sa Ninety Niners ang Batch ‘88, 82-63, aron langkaton ang kampiyonato samtang milampos usab ang Batch 2002 Goats pagpildi sa Batch 2001, 81-56, sa ilang kaugalingong championship match. Ang kanhi MPBL standout nga si Enrico Llanto maoy nahimo usab nga MVP.
Sa laing championship game, mipatugbabaw ang Batch 2013 batok sa Batch 2015 pinaagi sa overtime, 75-66, aron tablaon ang best-of-three series, 1-1.
Hinuon gideklarar sila si Michael Balankig ug King Osabel nga co-sa MVP.
Subay niini, gibutyag ni commissioner Jax Bautista ang mga milangkob sa mythical five sa matag division.
Division 3 - Dave Guardiario, Anthony Romaguerra, Francis Galado, Dolan Adlawan, King Osabel.
Division 2 - Marck Campomanes, Miguel Peras, Joel Dinawanao, Joseph Move, Conrad Plando.
Division 1 - Jake Saturinas, Al Bughao, Criz Matunog, Bragat, Villamor.
Seniors - Hector Lawas, Lou Regidor, Sausa, Arturo Mata, Bingo Matugas.
Ang tinuig nga torneyo gipasiugdahan nila ni Alumni President: Ryan Villaflores ug inabagan sa mga board of directors nga sila si Jonathan Saso, Ian Callet, Tope Osorio, Byol Tan ug Dave Guardiario. (JBM)