LALAKI nga gituohang dunay deperensiya sa pangisip ang nakit-an nalang nga naglutaw sa sapa sa Barangay Poblacion 1, dakbayan sa CarCar kaganihang hapon, Nobyembre 18, 2019.
Sigon ni P/Corporal Regie Amad sa CarCar City Police Station sa dihang nahinabi kini sa SuperBalita Cebu nga pabilin pang wala mailhi ang maong biktima.
Ang maong biktima, nga gibana-bana nga anaa sa 30 ngadto na sa 35 anyos pataas samtang tabonon ang pamanit.
Sa dihang napalgan ang maong biktima,nakasuot lang kini og cargo shorts ang pangubos ug walay gisuot nga pangtaas.
Matud pa ni Amad nga gituohang nahulog ang biktima sa may taytayan sa dapit human nga naglingkod- lingkod ni kagahapon sa hapon nga hilom lang.
Usa ka saksi mibutyag nga samtang nag tan-aw sa tubig sa ubos nga bahin nga taytayan, nakurat nalang kini nga nakakita sa maong tao nga napalgan nalang nga nag lutaw-lutaw sa sa sapa.
Walay mga tattoo sa lawas og mga ID ang maong napalgan nga lawas nga makatabang untana sa pag - ila niini.
Ang kapulisan sa dakbayan sa CarCar nanawagan sa publiko kon kinsa man ang dunay wala ka uli nga ilang kabanay nga mamahimong modangop sila sa ilang buhatan para sa pag-ila kung paryente ba nila ang nalumos nga lalaki. (Superbalita Cebu)