SUPERBALITA CEBU

Bag-ong pangulo sa DepEd prov. gihangop

TURNOVER SA BUHATAN: Si Dr. Rhea Mar Angtud (wala) nitunol sa ceremonial key ngadto kang Dr. Marilyn Andales (tuo) isip bag-ong Division Superintendent sa Department of Education (DepEd) sa Cebu Province niadtong Oktubre 25 ning tuig sa San Remegion Beach Club. (Tampo)

SI DR. Marilyn S. Andales, ang bag-ong division superintendent sa Department of Education (DepEd) Cebu Province, mapasalamaton sa paghangop kaniya sa mga bag-ong kauban sa huhatan samtang, malipayon sa kalamposan sa mga unang kalihokan nga iyang gitambongan sama sa ‘Bote Challenge.’

Nihulip si Andales kang Dr. Rhea Mar Angtud nga gibalik sa pagkadestino sa DepEd Cebu Cty Division.

Si Angtud pormal nga turnover sa buhatan ngadto kang Andeles sa seremonyas nga gipahigayon sa San Remegio Beach Club sa lungsod sa San Remegio sa amihanan sa Sugbo niadtong Oktubre 25, diin sa samang higayon gihimo ang team building session s sa mga kawani sa buhatan sa DepEd Cebu Province sa naasoy nga resort.

Puno sa emusyon ang kalihokan human si Andales gihatod sa iyang mga kanhi sakop sa DepEd Lapu-Lapu City Division.

Ang duha pulos ningpadayag sa ilang suporta sa matag-usa ug mga panghinaut nga magmalampuson sa ilang liderato sa DepEd Division nga gihuptan.

Ang maong lahugay sa division kabahin sa dungan nga programa sa DepEd Central Visayas.

Samtang, malipayon nga gidawat sa mga tinun-an sa high school ang cash prizes niadtong Nobiyembre 5 alang sa mga mananaug sa ‘Bote Challenge’, upcycling project sa Nature’s Spring Foundation, Inc. nga mogamit ug plastic aron gamiton sa paghimo og nagkadaiyang produkto sama sa basket, duyan ug lantern.

Nagpasalamat si Dr. Andales sa suporta sa komunidad ug sa kakugi sa tanan.

Kampiyon ang Dalaguete National High School nga ubos sa DepEd Province Division ug ilang nadawat ang ganti nga mobalor og 750,000.00.

Ubang ubos sa DepEd Province nga nakadawat og ganti: Compostela National High School, 4th place, P20,000; Simala National High School, 12th place, P20,000; Boljoon National High School, 14th place, P20,000; Casay National High School15th place, P20,000.00); consolation prize ang Medellin National High School – P10,000. (PR, DepEd Cebu Prov.)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph