LTO Balamban miabli na

ANG Land Transportation Office (LTO) 7 niabli sa ilang licensing extension office sa lungsod sa Balamban para moserbisyo sa Third District sa Sugbo.

Si LTO Regional Director Victor Caindec nagkanayon nga moisyu og student permit, mo-isyu ug mo-renew og driver’s license, ug ubang transaksyon labot sa lisensiya sa pagmaneho.

Kini maoy ikaunom nga licensing extension office nga giablihan ni Caindec karong tuiga ug plano niya nga sa dili pa mahuman ang tuig 2019, makaabli pa ang LTO 7 ug laing lima ka extension office.

Sa unang 10 ka mga buwan, ang LTO ni-abli sa ilang E-Patrol, Lapu-Lapu City Extension Office, Garcia-Hernandez Extension Office, Sta. Fe Extension Office sa Bantayan Island, Camotes Extension Offices.

Si Mhike Jelord Rollo sa LTO 7 nagkanayon nga ilawom sa administrasyon ni Caindec, nagtinguha sila nga makaabli pa og dugang lima ka extension office sa dili pa mapupos ang tuig 2019.

Kagahapon, Nobiyembre 18, human sa pagbukas sa Balamban, gibisita ni Rollo ang extension office sa La Libetad, Negros Oriental para sa pagsusi sa kalamboan sa buhatan sanglit ilang plano nga ablihan na usab kini sa dili pa motapos ng Nobyembre.

Sa Cebu City, ang LTO moabli og laing duha ka Driver’s License Renewal Office didto sa Jai-Alai Grand Mall sa barangay Mambaling ug didto sa Gaisano Country Mall ug sa SM sa Consolacion ug ang Extension Office sa lungsod sa Tubigon sa lalawigan sa Bohol diin gitinguha ni Caindec nga maablihan kini sa dili pa motapos ang Disyembre 2019.

Ang pangulo sa LTO 7 nagkanayon nga kon mahingpit na ang pagbukas sa mga DLRO ug Extension Office, sayon nalang unya sa mga Sugbuanon ug Bol-ano ug mga Negrense ang paglukat ug pagbag-o sa ilang driver’s license. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph