SUPERBALITA CEBU

Gitas-on sa edipisyo ‘milapas’

ADUNAY mga edipisyo sa Metro Cebu nga nakalapas ang gitas-on sa gitakda unta sa aviation authority.

Ang mga edipisyo nasulod sa 24-kilometer radius gikan sa Mactan Cebu International Airport (MCIA) base sa 2017 Obstruction Limitation Surface (OLS) survey sa Civil Aviation Authority of the Philippines (CAAP).

Kini ang gitug-an ni Engr. Francisco Alconera, division chief sa Survey, Aerodrome Development and Management Service sa CAAP, atol sa Orientation and Awareness on Obstruction Restriction and Limitation, sa mga opisyal sa Office of the Building Official (OBO) sa mga lokal nga kagamhanan nga nasulod sa 24-kilometer radius.

Kini mao ang syudad sa Lapu-lapu, kon diin anaa ang Mactan Cebu International Airport (MCIA), lungsod sa Cordova, Mandaue City, mga lungsod sa Consolacion ug Liloan sa northern part sa Cebu ug siyudad sa Sugbo ug Talisay City sa habagatang bahin.

Anaa usab ang OBO official sa Mactan Cebu International Airport Authority (MCIAA) ug representante sa GMR- Megawide Cebu Airport Corporation (GMCAC).

Gitug-an ni Alconera nga base sa ilang mga OLS kaniadto, pipila sa mga nilapas sa height limitation nga mga edipisyo mao ang sa Mactan New Town ug ang kanhi Hilton Hotel nga karon mao na ang Movenpick Hotel, ug uban pa.

Apan gipasabot ni Alconera nga ni-adjust na sila sa gihimo nga OLS, imbes nga sa 24-km radius diin nasulod ang duha, anaa lang unta sa 51-meter height ang limitation, karon nipasaka kini og 80-meter height. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph