Go suportado ang pagpahunong sa martial law kung di na kinahanglan

SUPORTADO ni Senator Christopher “Bong” Go ang dili na pagpadayon sa martial law sa Mindanao ilabi na kung makitang dili na kinahanglan.

Kini gibutyag ni Go atol sa pagbisita sa siyudad sa Cagayan de Oro ug nagtunol og hinabang sa mga nasunogan sa Barangay Carmen ug Lapasan niadtong Nobyimbre 16, adlaw nga Sabado sa Carmen National High School.

Gibutyag ni Go nga mosuporta kini sa i-rekomenda sa mga kapulisan ug kasundalohan ilabi na kung di na kini kinahanglan nga i-implementar.

"Kung hindi na talaga kailangan sa ngayon, sabi ng PNP maybe the Armed Forces also will recommend or has recommended already wala ng kailangan na i-extend yung martial law ako suportado ko naman po ito," matud ni Go.

Gidugang pa nga kung unsa ang kagustohan sa kadaghanan andam kining mosuporta.

"Basta kung ano yung gusto ng majority, hindi ko pa po alam kung they recommended already," dugang pa.

Nasayran nga usa si Mayor Sara Inday Duterte-Carpio ang buot nga dili na malakip ang siyudad sa Davao nga gipailalom sa martial law gani nagpadala kini og sulat niadtong Agusto sa Office of the President.

Kahinumdoman nga gideklarang martial law ni Presidente Rodrigo Duterte ang tibuok Mindanao niadtong tuig 2017 atol sa nahitabong Marawi Siege ug magpadayon hangtod karong Disyembre ning kasamtangang tuig.