MATUD ni Misamis Oriental Governor Bambi Emano nga dili lamang unta ang mga turista maminaw sa unsa man nga mga negatibong komento sa pulo sa Mindanao apan ilang suwayan ug bisitahon ang lalawigan.
Kini tungod kay ang probinsya daw daghan tourism destination nga ikatanyag.
"Huna-huna lang sa kadaghanan nga kita nagkagidlay nagkagubot nagkagubat, mga igsuon malinawon kami. Pero bisan unsaon pa nato og pamulong karon nga malinawon ta ang mga langyaw mahadlok og anhi," matud ni Emano hinungdan gibutyag niini nga aronmatuldokan nga huna-huna, moanhi ug mobisita sila dinhi sa lalawigan.
"The better solution is to show them, ipakita, dalhon sila dinhi ipakita diba kung moabot sila og MisOr dili na sila ganahan mamauli. Ipakita sa ila. kay dili na sila ganahan mamauli," matud niini.
Giaghat niini ang turista nga dili husgahan deretso kon unsay nadungog lamang apan tan-awon mismo sa duha ka mga mata kon tinoud ba kini.
Gihangyo sab niini ang katawhan sa lalawigan nga suportahan ang programa sa lalawigan tungod kay usa makahatag sa kalamboan ug panginabuhian sa katawhan ang atraskyon sa turismo.
"Atong suportahan ang turismo mao gani mao atong flagship program kay angayan lang nga ipakita nato ang kinaiyahan kung unsay gitapigan, gitagoan nga nindot nga talan-awon lugar ug dangpanan nga angayan lang mapakita sa katawhan," matud ni Emano.