GITABUNAN ang baba sa 27 anyos nga dalaga aron di kasiyagit dihang giingong gilugos niadtong Nobiyembre 17 pasado alas 4:00 sa kadlawon sa Barangay Balili, Kapatagan, Lanao del Norte.
Si Marj (dili tinuod nga pangalan) nisaysay sa kapulisan sa Kapatagan Police Station nga pauli na siya nga nagbaklay padulong sa puloy-anan dihang nakita sa suspetsado.
Gigukod ang biktima ug dihang dapit na kini sa puloy-anan naapsan sa suspek ug deretsong gitabunan ang iyang baba ug gidala sa kasagingan nga bahin.
Tungod sa kakusgan niini wala kasukol ang biktima ug milampos gyod kini sa iyang pagpanglugos.
Human sa hitabo daling nakasibat ang biktima usa nagpatabang sa kapolisan.
Gilusad dayon ang manhunt operation ug sa puloy-anan nini nasapon ang suspetsado.
Positibo sab kining gitudlo sa biktima nga maoy milugos kaniya.