Doctor gikasohan sa asawa, gi-aresto

NAPUTOL ang paglingawlingaw sa usa ka doktor human gi-aresto sa mga otoridad niadtong Nobiyembre 15 mga alas 9:00 sa gabii sa Atrium, Limketkai, Cogon, Cagayan de Oro City.

Nasikop si Charles Rainer Marquez, 40, minyo ug nagpuyo sa Tubod, Iligan City.

Gibutyag ni PMaj Abogado Mautin sa Iligan City Police Station 4 nga nasikop si Marquez pinaagi sa warrant of arrest nga ilang gitunol sa kasong may kalambigitan sa Republic Act. 9262 o Violence Against Women and Children (VAWC).

"Bale minyo na siya katong iyahang first wife ang ga file og kaso," matud ni Mautin.

Gikabutyag usab nga membro kini sa Bayan Muna Partylist ug iladong usa ka sakop sa walhong grupo gani gikabutyag nga gapang-recruit kini og mga batan-on diha sa usa sa dakong unibersidad sa Iligan City labina sa mga rally.

Dunay temporaryong piyansa nga P72,000 ang maong kaso.

Sa pagsulat niini nga balita kasamtangang anaa sa kustodiya sa kapulisan ang dinakpan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph