SUPERBALITA CAGAYAN DE ORO

Kaso pagpusil sa 16 anyos nga mabdos giduso sa NBI

GIDUSO na sa National Bureau of Investigation (NBI) ang kaso sa pagpamusil sa 16 anyos niadtong nilabay nga adlaw diha sa Mastersons Avenue, Upper Carmen ning siyudad sa Cagayan de Oro.

Gikan sa court hearing ang 16 anyos batik sa usa ka opisyal sa pulis sa Misamis Oriental nga si PMaj Albart Tare sa kasong act of laciviousness apan sa pagtabok sa dalan kalit kining gipusil sa duha ka mga nakamotorsiklo.

Gibutyag ni Brig. Gen. Rolando Anduyan, Regional Director sa Police Regional Office (PRO-10) nga mas maayong laing ahensiya ang mag-imbestigar aron mahanaw ang mga pagduda.

"Of course open man ta tanan, mas gwapo ng laing agency bitaw mag imbestiga kay moingon sila nga inyo man ng kadugo, we encourage nga laing agency nga mag step-in sa investigation para ang katawhan dili pagduda," matud ni Anduyan.

Gibutyag ni Anduyan nga restricted karong panahona si Tare human nalakbitan ang ngalan niini sa maong kaso.

"Naay may factor nga linking him so kana siya, let the court decide pero tagaan nato siya og panahon nga motubag pud sa iyang kaugalingon, but always kami we will not tolerate kung naay wrong doing sa amoa, "matud pa ni Anduyan.

Gidugang pa ni Anduyan nga dili nila paboran kung dunay mga nahimong sayop gani human sa maong panghitabo gipailalom dayon kini sa maong restriction o tangtangan og armas o ginamonitor nga anaa kini sa barracks kada adlaw.

"Restricted ka meaning tangtangan kaya imong armas," matud ni Anduyan.

Nasayran nga una na nga gipanghimakak sa nahisgutang pulis ang alegasiyon ug gani nibutyag nga dili kini angay patyon tungod kay gamay ra kini kaayo nga kaso.

“Kung gusto nako na buhaton kanang pagpamusil sa iyaha dili nana kinahanglan nako isugo pa, naa man koy kamot makakablit man ko pero sa among mandato kay protector man ta sa citizen dili man namo na pwedi buhaton,” matud ni Tare sa interbyu sa radyo.

Gidugang pa niini nga dili angayang patyon ang maong babaye tungod kay gamay ra kaayo nga kaso ang gipasaka.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph