SUPERBALITA DAVAO

Editoryal: 4S practice batok dengue

NANAWAGAN ang lokal nga kagamhanan sa Davao City nga kinahanglan motabang ang mismong katawhan aron batukan ang dengue luyo sa pagtaas sa ihap sa kaso niini.

Segun ni CHO-Tropical Diseases Prevention and Control Division (TDPCD) head Beth Banzon nga kinahanglang magtinabangay ang katawhan diha sa pagpanglimpyo sa palibot aron mabungkag ang giitlogan sa mga lamok.

Si Banzon nagbutyag ug iyang giklaro nga ang mga molupyo kinahanglan nga motampo pinaagi sa paglusad og 4S practice, nga nagpasabot og “searching” ug pagbungkag sa mga lugar nga gipuy-an sa lamok; “securing self-protection measures” sama sa pagsul-ob og taas nga pantalon ug long-sleeved nga sinina ug matag adlaw nga paggamit og mosquito repellent, “seeking” sayong konsultasyon; ug “support” sama sa fogging ug pag-esprey sa mga lugar nga daghan og lamok.

Bisan pa sa pagtaas nga dunay kinatibuk-ang 1,121 natala nga mga kaso sa dengue gikan Enero hangtud Hunyo 30 karong tuiga sa Davao City, dili suma pa kini bastante nga ideklara ang “dengue outbreak” ning dakbayan bisan pa og iapil ang ihap sa bulan sa Oktubre.

Hinuon abtik sab kaayo ang lokal nga panggamhanan sa Davao City nga mohimo og mga lakang aron malikayan ang dengue.

Malikayan kining tanan kung magkahiusa lang diha sa komunidad sa pagpanghinlo, ug bisan sa pagpanglimpyo sa mismong tugkaran.

Magtinabangay kita, aron mabatukan gayod ang dengue.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph