SUPERBALITA DAVAO

Iring nakapatay og principal

PATAY ang usa ka principal samtang laing upat ka tawo ang naangol human gitabukan og itom nga iring ang dalan sa gisakyang van alas 3 sa kaadlawon Lunes, Nobyembre 18.

Ang namatay giila nga si Leonila Fernandez Salang, principal sa J-Marguez Elementary School sa Cotabato City.

Samtang apil sa upat ka mga naangol mao si Celso Herago Jr., 23 anyos, drayber, molupyo sa Barangay Poblacion 3, Midsayap.

Matud ni Pikit chief of police Major Mautin Pangandigan nga ala 1 sa kaadlawon nigikan ang van sa dakbayan sa Davao paingon sa Cotabato City.

Apan pag-abot sa Barangay Dalingaoen, Pikit kalit lang dunay nitabok nga dakong itom nga iring ug gilikayan sa drayber.

Wala na makontrola ni Herago ang manobela sa van ug diretso kining nibangga sa poste sa kuryente daplin sa national highway.

Mga naangol gisapupo sa mga nagresponde nga pulis ug mga sakop sa Citizen Armed Forces Geographical Unit ug gipangdala sa Cruzado Medical Hospital apan gideklara si Salang nga dead on arrival.

Daghan ang nagtuo nga posibleng nakatulog ang drayber nga maoy hinungdan sa disgrasiya sa kadalanan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph