Talk to Papa Joe: Lubog pa

DEAR Papa Joe,

Tawga lang ko sa ngalan nga Jessica, 24 years old, taga Talisay City.

Bag o lang ko naminyo as in kasal gyud sa usa ka lalake nga abi ko nailhan gyud nako. Okay man ang mga adlaw nga bag- o ming kasal puno sa sigeg lapa sa karnero sa liyon niadtong panahano. Puno gyud ko sa pagmahal.

Pero lately lang nga natawo na ang bata, nakabantay ko nga siya nibalik sa iyang mga barkada ug mag inom. Karon na mauli na siyang hubog, manghagad siya nako og romansa ug wala may blema ana. Pero kon mohagad na siya ug pakighilawas, molikay ko kay bag-o pa ko naayo sa opera kay cesarean man ko. Sus, masuko ug mag-wild kay naa na lagi kuno koy lain. Hangtod nga iya na kong dapatan.

Lately lang, ako nani siyang gipa blotter sa womens desk ug pwerte niyang pangayo og pasaylo. Gipasaylo nako pero nagpa buhat gyud ko og kasulatan nga kon iya ning usbon, ipapreso na nako siya. Mao ni akong patambagan. Okay lang ba nga ipapriso ni nako siya? Palihug tambagi ko.

Jesica

Jesica,

Mas maayo patagmon na nimo. Kana kay gitagaan man nimo og chance, barugi gyud nang sabot ninyo nga ipapriso nimo siya kon iyang usbon kay naa gyud siyay padulngan ana kay against na sa balaud sa violence agains women and children (VAWC). naa pamay laing pamagi ba para makaraos na siya. Mas maayo na i inform na siya kabahin sa pagpanganak nga wa gani kita ang piso, hala kay hala na. Basta sunod ayaw kahadlok og kiha ana labi na kon pugson ka. Rape padulngan ana niya.

Papa Joe

(sa inyong tampo ipadala lang sa papajoesuperb@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph