SUPERBALITA CAGAYAN DE ORO

50 ka kolorum taxi nasapon

CAGAYAN DE ORO. Ang kolorum nga taxi nga nasapon sa Land Transportation Franchising and Regulatory Board (LTFRB) sa matag-adlaw nga operasyon gipahimutang sa impounding area. (LTFRB-Northern Mindanao)

ANAA na sa kapin 50 ka mga kolorum nga taxi ang nasapon sa Land Transportation Franchising and Regulatory Board (LTFRB) sa matag-adlaw nga operasyon batok sa mga kolurom nga sakyanan.

Gibutyag usab ni LTFRB regional director Aminoden Guro nga nasutang sagad sa mga drayber ug operator niini mga biktima sa giyera sa Marawi ug wala’y laing nakitang maayong panginabuhian gawas niining pagpamasahero gamit ang taxi nga gipamaneho usab sa ilang mga kaparyentehan nga ania sa siyudad.

Giingong nisulay sila sa pagkuha og prangkisa, apan tungod sa moratorium rason nga wala kini naaprobahan.

Nasayran nga giimbetahan si Guro human sa special report ni Konsehal Roger Abaday niadtong nilabay nga session kalabot na sa nagkataas nga ihap sa mga kolurom nga mga taxi sa siyudad.

Anaa matud sa kapin 50 ka mga taxi na ang nasikop nga nagagikan sa Marawi ug sa siyudad sa Iligan.

“Naa mga owners from Marawi ug naa pud taxi from Iligan,” matud ni Guro.

Anaa sa duha ngadto lima ang gakasikop sa matag adlaw nga operasiyon.

‘Every day my enforcers conducted the anti-colurom. So we have an average of two to five units a week impounded to our office. So as of today, we apprehend more or less bare on our records more than 50 taxi units impounded,” dugang pa ni Guro.

Giklaro usab niini nga anaa sa mga 300 ang mga taxi nga kolurom ug anaa sa 2,770 ang lehitimo o mga legal nga nagpadagan sa siyudad.

Dugang pa usab niini nga aron matabangan ang mga indibidwal ilabi na ang nanag-iya og kolurom nga mga taxi ug biktima sa Marawi siege, magparehistro sila pinaagi sa cooperative o corporation aron nga mahimong legal pinaagi na usab sa modernization program ug mahanaw na ang mga kolurom.

Task force batok kolorum mugnaon

Usa sa hangyo ni Guro nga mahatagan og kaabag sa pagpatuman niining maong balaod aron nga hingpit na nga mawala ang kolurom nga mga sakyanan sa siyudad sa Cagayan de Oro.

Plano niini nga magmugna og inter-agency task force aron mapakita ang ka seryuso sa ilang buhatan sa pagpakgang sa pagdaghan ug pag-operate sa mga kolurom sa siyudad ug sa Northen Mindanao.

“We are humbly requesting for at least 10 RTA enforcers or personnel to form an inter-agency tasks force to combat these colorum vehicles,” pahayag ni Guro.

Aminado usab kini nga kulang ang ilang personahe rason nga dili masikop ang kadaghanan sa colorum vehichles.

“Regular 15, Job Order 10 by ratio. Kada usa sa amo wala’y time nga mo-apprehend sa kadalanan. Kulang gyud tag manpower,” dugang pa.

Suportado usab kini sa konseho ug makigtagbo kini diha sa komitiba ni Konsehal Bong Lao aron nga mahisgutan ang maong sugyot ug panginahanglanon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph