SUPERBALITA CAGAYAN DE ORO

Linog gakurog tungod sa kamabaw

TUNGOD sa kamabaw hinungdan nga nagkurog ang nasinating pagtay-og mga alas 9:22 sa gabii niadtong Lunes, Nobiyembre 18, sumala sa Philippine Institute of Volcanology and Seismology (Phivolcs).

Matud ni Phivolcs-Northern Mindanao Regional Director Marcial Labininay nga 5.9 magnitude nga linog ang nasinatian diin ang epicenter sa Kadingilan, Bukidnon.

“Mokurog kita kay mabaw kaayo. Ten kilometro lang,” matud ni Labininay ug nipasabot nga ang maong lugar walay faultline. Dugang niini nga tectonic ang origin.

Gani, daghan ang nakamatikod nga lahi ang direksyon sa pagtay-og. Dunay niingon nga murag bola nga gidrebol ug dunay niingon nga murag gi-backhoe ang yuta.

Ang linog nabati sa mga mosunod nga dapit kon asa Intensity 5 sa Kadingilan, Damulog, Kalilangan, Don Carlos, Talakag ug Valencia City ug area sa Bukidnon lakip pa ang Kidapawan ug Marawi.

Intensity 4 sa Impasugong sa Bukidnon, Cotabato City, Davao City, Koronadal City, Malungon sa Sarangani, ug Cagayan de Oro City.

Intensity 3 sa Gingoog City, Tupi sa South Cotabato, ug Alabel sa Sarangani, samtang Intensity 2 sa Kiamba sa Sarangani, General Santos City, ug Mambajao sa Camiguin.

Damyos

Pabilin ang assesment ug monitoring sa City Disaster Risk Reduction Management (CDRRM), Municipal Risk Reduction Management, ug kapulisan sa Bukidnon.

Apan sa inisyal assessment, ilang gipaabot nga moabot ngadto sa unom ka tao ang samaran.

Adunay pagpangliki sa mga estruktura lakip hospital ug mga establismento ug tunghaan.

Pipila sa mga tunghaan sa Bukidnon gisuspenso ang klase niadtong Lunes kay gitagsa-tagsa pagsusi ang mga tunghaan kon luwas pa ba.

Sa Kadingilan moabot sa 17 ka barangay apektado lakip niini ang pagliki sa third floor sa Kadingilan Police Station, pagkabuak sa mga bintana ug pagkasiak sa dingding sa munisipyo, ug adunay partially damaged sa Sr. San Isidro Parish church.

Ang Esther Hospital nga nahimutang sa Sayre Highway, Lumbo, Valencia City nakaangkon og dako nga pagpangliki kon asa ang mga pasyente gipagawas sa balay tambalanan. Gi-monitor pa karong panahona kon aduna bay kaswalidad.

Duha ka balay diin usa sa Barangay Tugaya ug usa sa Barangay Laligan ang nahugno. Walay samaran.

Apektado ang Lumbo Elementary School nga namatikdang nangliki lakip ang minor nga pagliki sa Sinabuagan Elementary School.

Sa lungsod sa Maramag adunay mga balay, hotel, gasoline station, ug hospital ang damaged.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph