SUPERBALITA CAGAYAN DE ORO

Budget sa 2020 gilaumang maaprobahan sa dili pa Pasko

NAGLAOM ang bise mayor sa dakbayan sa Cagayan de Oro nga maaprobahan na ang budget alang sa tuig 2020 sa dili pa ang kasaulogan sa Pasko.

Gitakdang sugdan na ang pagtuki sa budget Martes, Nobiyembre 19, sa giduso ni Mayor Oscar Moreno nga anaa sa P7.5 bilyones.

Sa pakighinabi kang Vice Mayor Rainier Joaquin Kikang Uy, gibutyag niini nga andam kini nga mosuporta, magamay man o madako, ang gisugyot nga budget basta alang sa kaayohan sa katawhan.

Gani giingong daghan pa ang mahitabo tungod kay giduso pa lamang kini ug pwedi pa nga amendahan, usabon o dili aprobahan ug magdepende pa sa pagtuki sa matag departamento.

“So daghan pa mahitabo. Pero og moingon ta og, we are talking in a budget. So naa gyud nay amount. So magamay, madako o dako ba kaayo. Wala koy problema basta matubag lang ang kinahanglan sa katawhan,” matud ni Uy.

“P5.5 or P7.5 billion does not matter to me. Importante ma-address ang mga angay nga i-address nga problema sa dakbayan ug ma-serbisyohan ang katawhan. That’s it, regardless the amount. Wala koy question ana,” dugang pa.

Nanghinaot ug naglaom usab kini nga mahuman na ang deliberasiyon sa dili pa ang Pasko.

“Na-schedule naman na tanan. We are planning nga before Christmas Eve, amo na ma-aprobahan kung wala’y mga problema along the way. I hope nga smooth and fast na approval or budget deliberation nga atong gitawag,” dugang pa.

Pagpa-utang og P500M suportado

Samtang suportado usab ni Uy ang pagpa-utang og anaa sa P500 milyones ngadto na sa Cagayan de Oro City Water District (COWD).

Una na nga nibutyag si Mayor Oscar Moreno nga buot niini nga pahulamon og dakong kantidad ang COWD aron nga maayo na ang pasilidad ug makasuplay na og tubig sa mga bukirang bahin sa dakbayan.

Gibutyag ni Uy nga andam kini nga mosuporta ilabi na nga panginahanglanon sa katawhan og tubig ang gihisgotan.

“Ang water district, well, when it comes to water supply or needs sa katawhan public service man gud gihapon, so labi na nga tubig. So ako wala koy problema gihapon ana matubag ang gakinahanglan og tubig,” matud ni Uy.

Gidugang usab niini nga bayaran man usab kini sa COWD basta ang importante nga matabangan ang mga nagkinahanglan og tubig.

“Total, bayaran man na. Dili man na ingon nga at least naa man nay contract or agreement. Bayaran man, matubag lang ang ga-problema sa panubig. Wala koy question ana. Mas maayo gani na para mas madali matabangan kung kinsay nagkinahanglan,” dugang pa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph