LUGWAYAN pa kutob Disyembre 31, 2019 ang pagkuha sa mga opisyal og department heads sa Kapitolyo sa depot niini kon asa sila mokuha og gasolina alang sa mga government-issued vehicle.
Kini tungod kay gikatakda nga mopaubos pa karong Disyembre 10, 2019 sa usa ka bidding ang mga kompaniya sa lana nga interesado ug may kapasidad nga modawat og fleet cards.
May tulo na ka mga kompaniya ang nipakita og interest sa proposal.
Moabot sa P24 milyones nga pundo ang gigahin sa Probinsya alang sa fleet cards nga sugod nga gamiton sa 2020.
Matod ni Bernard Calderon, pangu sa Provincial General Services (PGSO), nga posibling ma-award ang usa ka tuig nga kontrata karong Enero 2, 2020.
Una nang gilaraw sa Probinsya nga siradoan na ang fuel depot nga anaa sa provincial motorpool sa may dan M.Velez , dakbayan sa Sugbo sa uwahing buwan ning tuiga o sa sunod tuig. (ANV)