SUPERBALITA CEBU

Game 2 sa Cesafi finals libre sa mga estudiyante

SAMA sa Game One, libre ngadto sa mga estudiyante ang general admission sa Game Two sa 2019 Cebu Schools Athletic Foundation, Inc. (Cesafi) basketball finals nga ipahigayon, Huwebes, Nobiyembre 21 sa Cebu

Coliseum.

Kini maoy gipahibawo ni Commissioner Felix Tiukinhoy Jr., pinaagi ni Rico Navarro, athletic director sa Sacred Heart Schoo-Ateneo de Cebu.

Ang buhaton sa estudiyante mao lang ang pagpakita sa ilang school ID aron sila yanong makasulod.

Sukwahi sa mga nangaging duwa diin gilangaw ang general admission lakip na usab ang ubang section sa Cebu Coliseum, naobserbahan nga niadtong Lunes daghan na ang mitan-aw.

Gituohan nga modaghan pa gyud unya kini Game Two.

Ang Southwestern University-Phinma Cobras, sa Game One, mibuntog sa defending three-time successive champion University of the Visayas Green Lancers sa kulbahinam nga panag-engkuwentro.

Sa high school division, makapaikbi usab sa atay ang nasaksikahan sa kadaugan nga naangkon sa Ateneo batok sa defending champion University of Cebu Baby Webmasters. Mosuway ang UC pagtabla sa series, sa Huwebes. (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph