ATAKIHON gyud ni Ghanaian Joshua Clottey (35-3, 20KOs) si pound-for-pound champion Manny Pacquiao (50-3-2, 38KOs) sa ilang panagharong ugma sa “The Event” boxing promotion sa Dallas Cowboys Stadium.
“I will let him fight and try to beat me. I really want to see how he fights. I will make him want me. That’s my game plan,” matod ni Clottey kinsa mipasalig nga dili gyud niya atrasan si Pacquiao ug iya kining atakihon bisan asa kini paingon.
Apan taliwala ning tanan, mitumaw ang mga pagduda sa gipangbuhiang pulong sa kampo ni Clottey.
Kini human gikataho ning pila na lang ka gutling sa oras sa di pa ang away, nga si Clottey daw sa naglisod pagkuha sa iyang timbang. Naobserbahan usab kini tungod sa iyang gisul-ob ug ngadto na sa iyang grabing pagpahigayon og skipping ropes.
Una kining miensayo niadtong kagahapon sa hapon, nga nag-jogging kini tuyok sa Gaylor Texan Hotel nga may gisul-ob nga thermal suit. Ug sa dihang diha na kini sulod sa convention center diin adunay boxing ring nga gibutang, ang 32 anyos nga Ghanaian nagsige og skipping ropes.
Si Buboy Fernandez, ang assistant trainer ni Pacquiao, nakasaksi niini sa dihang hilom kini nga misulod sa gym sa dihang nagpraktis ang Team Clottey.
“Ang lalim ng mata, tapos humpak dito sa pisngi,” matod ni Fernandez. “Pagtapos, nung naghubad, ang lalim din ng katawan. Tuyung-tuyo na.”
Ang trainer ni Clottey nga si Lenny De Jesus, mibutyag nga sa paghiabot ni Clottey sa Dallas adunay kini 148 nga timbang ug wa kini problema sa 147 lbs. nga maoy ilang catchweight.
Wa gyuy bisag usa sa mga tawo ni Clottey nga miadmitar nga naglisod kini pagkuha sa iyang timbang.
Hinuon adunay insider nga mikompirmar niini, apan matod pa nga makuha ra gihapon kini ni Clottey atol sa tinimbangay karong adlawa.
Lahi ang nasinati sa kampo ni Pacquiao sanglit ang Pinoy boxing star nagtimbang na kini og 146 lbs sa katapusang adlaw sa iyang praktis. Gani grabi pa kaayo kining nakakaon sa iyang paboritong pakbet ug nilat-anang baka sa paniudto.
Gituohan nga si Clottey atol sa away motimbang kini og dul-an sa 160 pounds.
“Obviously, if a guy comes in the ring like 160, 165 pounds, he has trouble making weight,” matod ni Freddie Roach kinsa misaysay nga kini maoy ilang bintaha.
Mao usab kini ang obserbasyon ni Buboy Fernandez. Sa dihang gikuhaan sa reaksiyon kalabot sa gipanghambog sa chief cook ni Clottey nga Kwaku Gyamfi nga si Manny ma-ospital, si Fernandez igo lang mipahiyom ug miingon “Tingnan na lang natin kung sino ang dadalhin sa ospital.”
r